बुधवार, २१ डिसेंबर, २०११

आयुष्याची संध्याकाळ












आयुष्याच्या संध्याकाळी दाटून आल्या आठवणी 
सुरकुतलेल्या चेहऱ्यावरील हळूच मिटली पापणी

भूतकाळातील  सुखातून परतून यावे वाटेना  
आनंदाच्या झाडाची घट्ट्  मिठी आज सुटेना 
कल्पनाच्या भरारीवर माझा वारू थांबेना 

घरट्यातूनच होईल माझी दूर आता पाठवणी 
आयुष्याच्या संध्याकाळी दाटून आल्या आठवणी 

डोळ्यातील आसवांना कसे कोणी रोखेना 
मनातील भावनांना शेवटचा दिस सोसेना 
संसारातील कोणावरच मी आज रुसेना 

तुझ्या माझ्या भेटीगाठी स्मरतील प्रत्येक क्षणी 
आयुष्याचा संध्याकळी दाटून आल्या आठवणी 

वास्तवाचे भान सांग कसे ठेवायचे 
दुख्हातून पुन्हा सांग कसे जायचे 
जीवनगीत गात वृध्द पाय हलवायचे 

सुंदर संगीत ऐकत डोलायचे आता मनी  
आयुष्याच्या संध्याकाळी दाटून आल्या आठवणी 
 
---  बिपीन जगताप 

1 टिप्पणी: